Tjukurpa map-tjara

Map nyangangka nyuntu nyanganyi ngati irititja mulapa alatjitu tjuta kumpilpa ngarinyi manta unngu mulapa.

Iriti mulapa kunyu puli walunguru wimaru nyanga tjana ngatiringu Musgrave Ranges panya puli nyanga tjana katu mulapa kunyu ngarapai munu uru sea ulpariratja ila nguwanpa ngarapai.

Ara kapi pulkatja kunyu ngarangi ka ngati nyanga tjana 70m nguwanpa ngarangi punu winkitjara.

Paki munu arpata ngati pulka tjuta unngu ngaringi ka iriti mulapanguru paki munu arpatangku rungkara rungkara puli pulka tjuta panya Musgrave Ranges-anya mut-mutuningi purkarangku alatjitu

Ka uwankara ma-piltiringkunyangka paki pulka unngu anga-ngarira ngati tjuta pulaparingu munu tali tjuta ma-utiringangi ngati tjutangka arangka.

Picture nyanga tjana nyawa ka nyuntu nyanganyi ara irititja mulapa panya 65 million yiyanguru kuwarikutu ara tjuta ngaranyi

Kutjupa tjutangku kuliningi 'tjinguru kapi iritijtja mulapa ngarinyi manta unngu' palu anangungku ngurintja wiyangku wantingi, kuwari kutjula ngurira nyanganyi.

Map kuwaritja nyanga ini 'paleovalley map' G-FLOWS-angku palyantja (ini panya Goyder Institute for Water Research's Facilitating Long-term Outback Water Solutions). Ka map nyangangku nintini ngati iritinguru ngarinytja tjuta panya kuwari manta unngu mulapa ngarinyi.

Map-pangka nyuntu nyanganyi ngati tjutangka ngururpa ngati pulkangka kapi irititja tjinguru nyara palulatu ngarinyi

Yiya 2016-pangkala kutjara arangku paarpakara parangarala mantjilkatingi putukurapa tjuta panya camerangku manta unngu mulapa nyakupai ngati unngutja tjuta nyakunytjaku

Nyuntu nyanganyi map nyanga kulunypa kutjarangka picture 30m munu 110m manta unngu ngarinytjatjara